音樂劇<喝彩> 之 觀衆留言

     音樂劇<喝彩>是今年一月的演出，我們之前收到了一位觀衆在面子書的留言，敍述她對於<喝彩>的感想。在這裡，我們想要與大家分享她的這段話。


Leong  Lai Kuen
（粵語） 距离上个月睇＜喝彩＞呢套劇都有3個星期，因為忙於新年准備，所以到今日先有時間寫呢段鼓勵說話俾你哋。我好記得當年我錯過咗雲頂個場演出，我好失望因為係肯定唔會有得再睇。萬萬想唔到，幾年后竟然會有機會欣賞到。我衷心多謝你哋願意冒險帶舞台劇入嚟大馬巿場，而令我哋除咗睇演唱會之外，可以多一個娛樂選擇。其實我好明白做舞台劇呢條路喺亞洲巿場唔易行，如果要做到搵到食嘅就仲難!畢竟在藝術與商業之間拉番過平衡點唔係一件易事。可喜嘅係你哋有做到。簡單、實在又生活化嘅劇情和對白、清晰嘅發音、信息的表達一一清楚地呈獻俾觀眾而令一套劇受歡迎。如果一套劇太過藝術化，我相信觀眾都會睇得辛苦，因為我哋嘅社會仲未做到喺十個觀眾里面，有九個係有藝術思想嘅；你我他只係普通人一個。所以我认同Suzuki小姐講嘅一句話：＂藝術家都係要食飯！＂今次個劇雖然冇華麗嘅舞台背景、冇其他舞蹈員伴舞、冇和音，但係憑著三位演員有實力嘅演出，我相信呢一啲元素變得不再那麼重要了，因為佢哋只不過係增添覌眾嘅視覺效果啫，而令一套劇變得完美...
當晚嘅一切彷如大家嘅集體回憶般。熟悉的歌曲、舞步、哥哥嘅舞蹈招牌動作、那些屬於七、八十年代先至會有嘅情形慢慢地將我帶回那段青春成長歲月同埋回憶起求學時期嘅一切，感覺好好。忍唔住都要講一句：＂那些年，我們就是聽這些歌長大的。＂
睇完依一套劇之後，都可以體會到制作嘅辛苦。佢唔似電影，拍完之後有后期制作執靚先上畫。舞台劇係一take過，有冇好成績俾觀眾睇就靠大家嘅臨場反應同埋實力。加油吧！越戰越強！希望下次能夠再次睇到你哋引進嘅作品。你哋有個信念：因為相信，所以堅持；我身為觀眾嘅因為你哋嘅堅持，所以支持。單調而乏味嘅城市生活係需要藝術嚟調劑；好彩有你哋堅持地耕耘，多謝！

     感謝這位觀衆即使過了三個星期后，依然給我們留言，跟我們分享她的感受。謝謝您的支持，E House一定會一直秉持著"因爲相信，所以堅持"的精神。